ဗဟုသုတ

ရင်သားနဲ့ လက်မောင်းကို တင်းရင်းလှပစေမယ့် လေ့ကျင့်ခန်း (၁၀) ခု

လက်ပြတ်အင်္ကျီလေးတွေ ရင်ပြတ်အင်္ကျီလေးတွေ ဝတ်တဲ့အခါ လက်မောင်းလေးတွေက အဆီပိုတွေနဲ့ တွဲနေတာတို့  ရင်သားက တင်းတင်းရင်းရင်း မရှိတာတို့ဆို ဝတ်စုံဝတ်တဲ့အခါ ကြည့်မကောင်းပါဘူး

ဒီတော့ ပျိုမေတို့ လက်မောင်းလေးတွေမှာ အဆီပိုတွေရှိနေရင် ရင်သားမလှပရင် ကျစ်လစ်သွယ်လျသွားစေမယ့် လေ့ကျင့်ခန်းလေးတွေကို မျှဝေပေးလိုက်ပါတယ်။ ဒီလေ့ကျင့်ခန်းလုပ်ဖို့အတွက် ဘယ်ပစ္စည်းကိရိယာမှ မလိုဘူးနော်။ နေ့စဉ် ပုံမှန်လေး ကြိုးစားပြီး လေ့ကျင့်ဖို့သာ လိုအပ်ပါတယ်

၁ Catcher of stars exercise

ဒါက သွေးပူလေ့ကျင့်ခန်းဖြစ်ပါတယ်။ သင့်ရဲ့ကျောကုန်းကို မတ်စေပြီး သင့်ရဲ့ကိုယ်နေဟန်ထားကို ပြင်ပေးဖို့ ကူညီပေးပါတယ်။ လေ့ကျင့်ခန်းလုပ်ဖို့အတွက် မတ်မတ်ရပ်ပါ။ သင့်ခေါင်းကို အနောက်သို့ အနည်းငယ်လှန်ပါ။ သင့်လက်မောင်းကိုဆန့်ပြီး ကြယ်တစ်လုံးကို ဖမ်းဆုပ်တဲ့ပုံစံနဲ့ လက်သီးဆုပ်ပေးပါ

၂ Elephant exercise

ဒီလေ့ကျင့်ခန်းက ရင်ဘတ်ကြွက်သားတွေကို relax ဖြစ်စေသလို လည်ပင်းနှင့် နောက်ကျောကို တောင့်တင်းစေဖို့ ကူညီပေးပါတယ်။လေ့ကျင့်ခန်းလုပ်ဖို့အတွက် သင့်ခြေထောက်တွေကို ပခုံးအကျယ်အတိုင်း ချဲထားပါ

ကိုယ်အပေါ်ပိုင်းကိုအရှေ့သို့ ကွေးညွတ်ပေးပါ။ သင့်နောက်ကျောအနေအထားက ကြမ်းပြင်နှင့် အပြိုင်ဖြစ်သင့်ပါတယ်။ ပြီးနောက် လက်မောင်းတွေကို ဘယ်ညာလွှဲပေးပါ။ သင့်ခေါင်းကလည်း လက်မောင်းလှုပ်ရှားမှုအတိုင်း ဖြစ်နေသင့်ပါတယ်

၃ Cobra exercise

ဒီလေ့ကျင့်ခန်းက သင့်ခန္ဓာကိုယ်အပေါ်ပိုင်းကို သန်မာစေပါတယ်။ ဒီလေ့ကျင့်ခန်းလုပ်ဆောင်ပုံက မကျွမ်းကျင်သူတစ်ယောက်အတွက် ခက်ခဲတယ်လို့ထင်ရပေမယ့် လေ့ကျင့်ရင်းနဲ့ပဲ လွယ်ကူသွားပါလိမ့်မယ်။ ဒီလေ့ကျင့်ခန်းလုပ်ဖို့အတွက် ကြမ်းပြင်ပေါ်မှာ မှောက်ခုံအနေအထားအတိုင်းနေပါ။ သင့်ရဲ့လက်တွေကို ခေါင်းအနောက်မှာ ထားပါ။ ခန္ဓာကိုယ်အပေါ်ပိုင်းနှင့် ဦးခေါင်းကို ကြမ်းပြင်နဲ့မထိအောင် ကြွထားပါ။ ခြေထောက်တွေကို ဆန့်တန်းထားပေးသင့်ပါတယ်

၄ Tennis ball exercise

ဒီလေ့ကျင့်ခန်းလုပ်ဖို့အတွက် တင်းနစ်ဘောလုံးတစ်လုံးလိုပါတယ်။ ဒီလေ့ကျင့်ခန်းက ရင်သားကြွက်သားတွေကို သန်မာစေဖို့ ကူညီပေးပါတယ်။ဒီလေ့ကျင့်ခန်းလုပ်ဖို့အတွက် ခြေထောက်တွေကို တင်ပါးအကျယ်အတိုင်း ချဲပြီး မတ်မတ်ရပ်ပါ။ တင်းနစ်

ဘောလုံးကို ယူပြီး သင့်ရင်ဘက်နဲ့ တစ်တန်းထဲအနေအထားနဲ့ သင့်လက်ဖဝါးကြားထဲမှာ ထားပါ။ သင့်ရဲ့လက်မောင်းတွေကို ရင်ဘက်ကို အားပြုပြီး အားစိုက်တွန်းပါ။ရင်ဘက်ကို အားပြုပြီး တင်းနစ်ဘောလုံးကို ညှစ်ပေးတဲ့သဘောပါ။ ပြီးနောက်ခဏနားပါ

၅ Book exercise

ဒီလေ့ကျင့်ခန်းက နောက်ကျောကြွက်သားတွေကို သန်မာစေပြီး ရင်သားကို တင်းရင်းစေဖို့ ဖြစ်ပါတယ်။ဒီလေ့ကျင့်ခန်းလုပ်ဖို့အတွက် မတ်မတ်ရပ်ပါ။ လက်ဖဝါးတွေကို ပတ်လက်အနေအထားနဲပ သင့်လက်မောင်းတွေကို ဆန့်ထားပါ။ လက်ဖဝါးတစ်ဖက်စီပေါ်မှာ စာအုပ်အထူတစ်အုပ်စီတင်ပါ။ (dumbbells လည်းအသုံးပြုနိုင်ပါတယ်) သင့်လက်မောင်းတွေကို ဘေးဘက်သို့ဖြန့်ပြီး သင့်အရှေ့သို့ ဒီအနေအထားအတိုင်း ပြန်ဆွဲယူပါ

၆ Scissors exercise

ဒီလေ့ကျင့်ခန်းက ကိုယ်ဟန်အနေအထားကို ပြင်ပေးပြီး ရင်ဘတ်ကြွက်သားများကို ဆန့်စေပါတယ်။
ဒီလေ့ကျင့်ခန်းလုပ်ဖို့ သင့်ပခုံးတွေကို relaxလုပ်ထားပြီး မတ်မတ်ရပ်ပါ။ လက်ဖဝါးတွေက မှောက်ခုံအနေအထားနဲ့ လက်မောင်းတွေကို ဘေးသို့ ဆန့်ပါ။ တစ်ခုနဲ့တစ်ခု ထပ်သွားအောင် အရှေ့သို့ ပြန်ဆွဲယူပါ။ တစ်လှည့်စီလုပ်ပေးပါ

၇ Albatross exercise

ဒီလေ့ကျင့်ခန်းက သင့်ရဲ့ရင်ဘတ်ကြွက်သားတွေကို သန်မာစေဖို့ ဖြစ်ပါတယ်။
လေ့ကျင့်ခန်းလုပ်ဖို့အတွက် ခြေထောက်တွေကို တင်ပါးအကျယ်အတိုင်း ချဲထားပြီး ခန္ဓာကိုယ်ကို မတ်ထားပါ

လက်ဖဝါးတွေက ပတ်လက်အနေအထားအတိုင်း လက်မောင်းတွေကို ကြမ်းပြင်နဲ့အပြိုင်ဆန့်ထားပါ။ သင့်လက်တွေကို တတ်နိုင်မျှ များများလေး နောက်ပြန်ရွေ့ပေးပါ။ ပြီးနောက် မူလအနေအထားအတိုင်း ပြန်သွားပါ

၈ Pillow exercise

အရင်လေ့ကျင့်ခန်းလိုပါပဲ ခေါင်းအုံးနဲ့ သင့်ရင်ဘတ်ကြွက်သားတွေကို လေ့ကျင့်ရမှာပါ။
လေ့ကျင့်ဖို့အတွက် ခန္ဓာကိုယ်ကို မတ်မတ်ရပ်ပါ။ ခေါင်းအုံးတစ်လုံးကို ယူပြီး ရင်ဘတ်ကြွက်သားတွေကို အားပြုပြီး ခေါင်းအုံးကို လက်မောင်းနဲ့ တွန်းပြီးညှစ်ပါ ။ ပြီးနောက် အနားယူပါ

၉ Cradle exercise

ဒီလေ့ကျင့်ခန်းက ရင်သားကြွက်သားတွေကို သန်မာစေဖို့ ကူညီပေးပါတယ်။ဒီလေ့ကျင့်ခန်းလုပ်ဖို့ မတ်မတ်ရပ်ပြီး သင့်ရင်ဘတ်ရှေ့မှာ သင့်လက်ဖဝါးများနှင့်အတူ လက်မောင်းတွေကို cross လုပ်ထားပါ။ လက်ဖဝါးတွေနဲ့ တံတောင်ဆစ်တွေကို အားထည့်ပြီး တင်းမာမှုဖြစ်ပေါ်လာတဲ့အထိ လက်မောင်းတွေကို ပင့်ထားဖို့ ကြိုးစားပါ

၁၀ Under chin exercise

ဒီလေ့ကျင့်ခန်းက ရင်ဘတ်နှင့် နောက်ကျောကြွက်သားများကို သန်မာစေပါတယ်။လေ့ကျင့်ခန်းလုပ်ဖို့ ပခုံးနဲ့ တံတောင်ဆစ်တွေက တန်းတူအနေအထားအတိုင်း လက်မောင်းတွေကို ကွေးညွတ်ထားပါ။ လက်ဖဝါးတွေက ထပ်လျက်အနေအထားအတိုင်း မေးစေ့အောက်မှာ ဖြစ်ရပါမယ်။ မေးစေ့နဲ့ လက်ဖဝါးတွေကို ဖိထားပါ။ တစ်ချိန်တည်းမှာပဲ သင်တတ်နိုင်သလောက် လက်ဖဝါးများနှင့် ပြန်တွန်းပေးပါ

လေ့ကျင့်ခန်းအကြိမ်အရေအတွက်=ပထမ ၁၀ရက်အတွင်း တစ်ရက်မှာ လေ့ကျင့်ခန်းတစ်ခုစီကို အကြိမ် ၂၀ ပြုလုပ်သင့်ပါတယ်။ ပြီးမှ တစ်ရက်ကို လေ့ကျင့်ခန်းတစ်ခုလျှင် ၁၀ကြိမ်စီ ပြုလုပ်ပေးပါ။ ရက် ၂၀အကြာမှာ ရလဒ်ကောင်းကို မြင်ရပါလိမ့်မယ်

ဒီလေ့ကျင့်ခန်းက တစ်ရက်ကို ၁၅မိနစ်ထက်ပိုမကြာတာကြောင့် လေ့ကျင့်နိုင်လိမ့်မယ်လို့ မျှော်လင်ပါတယ်။ ရင်သားလှပချင်တဲ့ အမျိုးသမီးတွေအတွက် အထောက်အကူဖြစ်လိမ့်မယ်လို့ မျှော်လင့်မိပါတယ်။credit