Knowledge Sharing ဗဟုသုတ

သေမည့်နေ့ကိုတောင် ရွှေ့ပစ်နိုင်သော ယတြာများ

သေမည့်နေ့ကိုတောင် ရွှေ့ပစ်နိုင်သောယတြာများ

မြတ်စွာဘုရား သက်တော်ထင်ရှားရှိစဉ်က ဗေဒင် ကျွမ်းကျင်သော ပုဏ္ဏားမိသားစု ရှိရာတွင် ပုဏ္ဏားကြီးသည် မိမိကိုယ်ကို ဗေဒင်တွက်ကြည့်ရာ အသက်(၆၀)ပြည့်သည့်နေ့တွင် သေရမည်ကို သိလေ၏။

ထိုအခါ မြတ်စွာဘုရားကို မကိုးကွယ်သော်လည်း သေရမည်ကို ကြောက်လန့်၍ ဘုရားထံ သွားလေ၏။

ဘုရားရှင်ထံရောက်သော် မြတ်စွာဘုရားက ” မှန်၏။ အသက်(၆၀) နေမွန်းတည့်ချိန်တွင် သေမည်။ သေလျှင် မြောက်ဘက် တောတန်းတွင် မျောက်ဖြစ်လိမ့်မည် ” ဟု ဟောကြားလိုက်လေသည်။

ပုဏ္ဏားလည်း အိမ်ပြန်ပြီး မျောက်ဘဝ၌ စားရန် တောတန်းတွင် ၁. ဥယျာဉ်စိုက်၏ ၂.နေရန် ဇရပ်ဆောက်၏ ၃. ရေတွင်းတူး၏ ၄.လမ်းဖောက်၏ ။ ၅. တံတားဆောက်၏ စသည်တို့ကို လုပ်သော် ထိုအတွက်ကြောင့် လူအများ သွားလာရပ်နားမှု အဆင်ပြေနေတော့သည်။

အသက်(၆၀) ပြည့်၍ မသေသောအခါ ဘုရားရှင်ထံ သွားရောက် အပြစ်တင်လေ၏။

မြတ်စွာဘုရားက ကိုယ်ကျိုးအတွက် မဟုတ်ဘဲ အများအတွက် ပြုလုပ်ပေးသော အောက်ပါ ကုသိုလ်များသည် သေနေ့ကိုပင် ရွှေ့ပစ်နိုင်သည်ဟု ဟောပြလေရာ ပုဏ္ဏားမိသားစု ဗုဒ္ဓဘာသာသို့ ကူးပြောင်း၍ သောတာပန် တည်လေ၏။

(၁) အများစားသုံးရန် ဥယျာဉ်စိုက်ခြင်း။(၂) အများစားသုံးရန် အရန်စိုက်ခြင်း။(၃) အများနေရန် ဇရပ်ဆောက်ပေးခြင်း။(၄) အများသွားလာနိုင်ရန် လမ်းဖောက်ပေးခြင်း။(၅) အများသွားလာနိုင်ရန် တံတားဆောက်ပေးခြင်း။(၆) အများသောက်သုံးနိုင်ရန် ရေတွင်းရေကန် တူးပေးခြင်း။ တို့သည် သေနေ့ကိုတောင် ရွေ့ပစ်နိုင်သော ယတြာကောင်းများ ဖြစ်လေသည်။

မှတ်ချက်။ ။ “အရန်” စိုက်သည် ဆိုသည်မှာ မိမိနေအိမ်၊ နေရာ၊ ပတ်ဝန်းကျင်တွင် အများအတွက် သစ်ပင်စိုက်ပျိုးပေးခြင်း ဖြစ်ပါသည်။

သေနေ့ကို ရွှေ့နိုင်သော ကုသိုလ်ထူးများ ရရှိနိုင်ကြပါစေ။သီတဂူဆရာတော်ဘုရား ဟောကြားတော်မူအပ်သော အာယုဒီပ(၆)ပါးကို အကျဉ်း ဖော်ပြခြင်း ဖြစ်ပါသည်။

Credit-ပဌာန်းပူဇော်ကြသူများ page
Sharing by-MT Star